SELAMAT MI

selamat mi engin kin beloh mu, 
ike kin ate ku entimi kao bimang, 
buge senang kase puren morep mu, 
masa si lalu enti kao terkenang......... 
Bier pe remenang sapunen laoh mu, 
nge iklas aku serudang mayang, 
temerbang i emus-emus kuyu, 
nume kerna layu bunge gere kemang...... 
Nume kerna mulingang mupolok perdu, 
mungkin sige ku ilen si lelang, 
gere lepas ilen pinang kupeltek ari perdu, 
gere tegetek aku belo sibersuaen i lah ni belang......... 
Enti kire bimang kao engi ku, 
enti kao ragu engi ku mayang, 
gere mukunah musirang kao orom aku, 
sipenting jema tue mu buge ate we senang........ 
Mungkin takdir kadang ku atas diri ku, 
kao orom aku nge turah mulekang, 
iklas ku timang bewen e sebuku, 
kao engi ku tetap ku sayang.........